1820 – 1872
A deutscher Feldsoldat wed nia
verschrecka,
Hairt ear dean Gockeler, dean
wälscha, schreia,
Und täts au Fuir und Flamma uf
en speia –
Nu Hasa laufet, fliagt a Lump
am Stecka.
Am Vaterland hangt fescht ear
wia a Zecka,
Mags blitza, tunra, ringla
oder schneia
Und samt de Amboß
Schmiedknecht abekeia –
Des älles druckt sein Muat net
na, sein kecka!
Und wenn d ganz Welt vernagelt
wär mit Britter,
Gings no so schleacht im Kriag
und miserabel:
Ear bleibt doch kuahl und isch
koi dummer Frieder.
Gohts Borvel aus, no langt er
nach em Sabel,
Schneidts Messer net, so nimmt
er halt sei Gabel,
Sei Bankanet, und sticht dia
Kaiba nieder!